منتدى علم الروحانيات
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى علم الروحانيات

منتدى علم الروحانيات تساعدك على فهم وتعلم جميع ما يدور حولك واكتشاف ما وراء الحجب وتساعدك على الامور الصعبة بسهولة جدا
 
الرئيسيةأحدث الصورالتسجيلدخول

 

 الشاعر عبدالرحيم منصور (رباعيات الحب)

اذهب الى الأسفل 
2 مشترك
كاتب الموضوعرسالة
المستهتر
عضو نشط وفعال
عضو نشط وفعال



عدد الرسائل : 13
العمر : 63
تاريخ التسجيل : 09/03/2010

الشاعر عبدالرحيم منصور (رباعيات الحب) Empty
مُساهمةموضوع: الشاعر عبدالرحيم منصور (رباعيات الحب)   الشاعر عبدالرحيم منصور (رباعيات الحب) Icon_minitimeالثلاثاء مارس 09, 2010 5:29 pm



عبد الرحيم منصور

[ الرباعيات ]

[ رباعيات الحب ]

1- خديني بسمة لقا

إرميلي كلمة وداع

بين الفرح والشقا

لازم يحل الشراع

Ө Ө Ө

2- طلي يا دنيا عليه

يا عيون حبيبي الزلال

منقوش في قلبي وإيديه

كحل الطريق والليال

Ө Ө Ө

3- السر في عنيكي قاتل

ياللي عنيكي شبابي

وأنا وعنيكي باقاتل

أصبح سؤالي جوابي

Ө Ө Ө

4- إن جم وراحوا الحبايب

بقلوبنا راح نعمل إيه

إحنا في طريق الغرايب

خدنا الزمن في إيديه

Ө Ө Ө

5- حران وحضنك جليد

صافي وقلبك غبار

مين قال لقاهم بعيد

التلج ويا النار

Ө Ө Ө

6- يا مسقى ملقى العطاشى

خايف عليكي ورايدك

بتشوفي عيني عطاشى

تداري عني مواردك

Ө Ө Ө

7- منين أجيب لك دار

شبابيكها ع البحري

قدامي جنه ونار

والحمل فوق ضهري

Ө Ө Ө

8- بعيده وإنتي في حضني

في حضن مين يا بعيده

كيف ونا منك ومني

لحظة لقانا شريده

Ө Ө Ө

9- عنيكي شبابيك أغاني

باطل منها وباشوف

خلت زماني حصاني

خلتني ع السر ألوف

Ө Ө Ө

10- عودك يا أسمر فتني

يا أحلى عود في الصبابا

خلاني ع الصبر أغني

خلى مسايا ضحايا

Ө Ө Ө

11- في الماضي واللي جاي

بانده وأدور عليكي

ساعات يرد الناي

وساعات تجاوب عنيكي

Ө Ө Ө

12- بودي أزرع شجره

شجرة حنان في الضل

ترخي عليكي يا سمره

وتلم شمل الكل

Ө Ө Ө

13- عنيكي دول مليانين

مكر وخيانه وجنون

ساعات كتير جعانين

وساعه مالهمش لون

Ө Ө Ө

14- لو كان وليه الخيار

لاختارك إنتي أميره

وأكون أنا شهريار

نغزل حكاوي كتيره

Ө Ө Ө

15- الخل والله باعوني

باعوا وقلبي اللي شاري

وكل يوم يقتلوني

ويضيعوني في كاري

Ө Ө Ө

16- يا جنين فى علم الغيب

جاي تعمل إيه دلوقتي

حجر العالم غريب

وأخاف تدوخ مثل دوخي

Ө Ө Ө

17- أنا اللي محتاج لابن

في الرحله ابني يخاويني

مش عايزه لكن بحن

يملا عليه سنيني

Ө Ө Ө

18- آه لو تطول الايدين

لا أملا الديار بالعيال

يبقوا لي ضهر وعنين

ويبقوا رد السؤال

Ө Ө Ө

19- خلقت مواويل كتير

وحضنتها نكرتني

والحلم بحنين عسير

الرعب فيه بيسكرني

Ө Ө Ө

20- إيه اللي جواكي قولي

محبة ولا عداوه

إن كنت قادره تطولي

خديني فديه وحلاوه

Ө Ө Ө

21- منين أجيبك يا سمره

ياللي عيونك دوايا

حلمت ياما ببكره

وبكره أصبح مسايا

Ө Ө Ө

22- ريتك معايا تطوفي

وسط البشر والزحام

وتشوفي حيرتي وخوفي

عليكي من دي الالآم

Ө Ө Ө

23- يا بنت ساعة لقا

بتساوي كل الزمان

عنيكي دي زقزقه

وياي في كل مكان

Ө Ө Ө

24- شبكت عنيكي عيوني

وعنيكي قلق الصبايا

قلت الوداع قام خدوني

ورموني وحدي لشقايا

Ө Ө Ө

25- عشقت فيها عنيها

وعنيها أعوام خوالي

توبها اللي مقسوم عليها

منسوج بأبر الليالي

Ө Ө Ө

26- من الحبايب فرحنا

ومن الحبايب بكينا

زمان بيحضن فرحنا

وزمان بيقسى علينا

Ө Ө Ө

27- عنيكي تحت المطر

كيف القلق والخوف

فيهم كلام للقدر

مداري مش مكشوف

Ө Ө Ө

28- مش عايز أشوفك بتبكي

مش عايز أشوفك حزينه

ده أنتي فى مكانك بتحكي

وتحطي وتشيلي فينا

Ө Ө Ө

29- عوام في بحر الضفيره

غرقان بلا سلمه

غطاس يا وز البحيره

سابح يا نجم السما

Ө Ө Ө

30- سموني أنا العصفور

وسيبوني من غير عش

لا عيني شافت نور

ولا إيدي مسكت قش

Ө Ө Ө

31- قلاب يا سمرا هواكي

دوب لي كام مقلاع

قوليلي إيه جواكي

وايه اللي تحت القناع

Ө Ө Ө

32- يا لوزة البحر مالك

عطشانة والبحر عالي

عديني وإرمي دلالك

ماحد في البر خالي

Ө Ө Ө

33- صدرك مدار الزمان

طب مد إيديك فرع

حلابة إيدي الحنان

والحلمه من غير ضرع

Ө Ө Ө

34- معرفش إيه لون مسايا

ونسيت كمان ذكرياتي

أول لقاكي معايا

هيه بداية حياتي

Ө Ө Ө

35- أنا مش غريب الحكاية

على أي أرض يحط

وبلدنا هيه القناية

وقلبي فردة بط



الرجوع الى أعلى الصفحة اذهب الى الأسفل
الشيخ باسم
عضو متميز وفعال
عضو متميز وفعال



عدد الرسائل : 398
العمر : 55
تاريخ التسجيل : 04/08/2009

الشاعر عبدالرحيم منصور (رباعيات الحب) Empty
مُساهمةموضوع: رد: الشاعر عبدالرحيم منصور (رباعيات الحب)   الشاعر عبدالرحيم منصور (رباعيات الحب) Icon_minitimeالجمعة أبريل 09, 2010 4:01 am

شااااااعرحلو
الرجوع الى أعلى الصفحة اذهب الى الأسفل
الشيخ باسم
عضو متميز وفعال
عضو متميز وفعال



عدد الرسائل : 398
العمر : 55
تاريخ التسجيل : 04/08/2009

الشاعر عبدالرحيم منصور (رباعيات الحب) Empty
مُساهمةموضوع: رد: الشاعر عبدالرحيم منصور (رباعيات الحب)   الشاعر عبدالرحيم منصور (رباعيات الحب) Icon_minitimeالإثنين نوفمبر 15, 2010 9:26 am

اعاده الله علينا بالخير واليمن والبركات
الرجوع الى أعلى الصفحة اذهب الى الأسفل
 
الشاعر عبدالرحيم منصور (رباعيات الحب)
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
منتدى علم الروحانيات :: منتدى قصائد الشعر والنثر والقصص والروايات :: قسم قصائد الشعر والنثر-
انتقل الى: