السلام عليكم
وبعد السلام يحلى الكلام
واحم احم <<<<اذا فيه حريم يتغطوون
السالـفـة وما فيـها
خلاص قررت بدوون مجاملات وديه ولا فررص ذهبيه إني أكتب ثاني قصيده لي بهذا القسم <<<< << الحمدلله ع السلامه
تخيلوا معي بالبدايه
وانت قاعد منسجم اخر انسجام مع البحر وجالس على شاطي وانت بسيارتك
والجو هادي جدا حولك<<< رومانسيه مع وجه
وانت قاعد تتطالع نجوم <<< نجوم ولا حواس
ومطفي النور بالسيارة>>>>>مسوي فيها جو شاعري
وتاخذ تيلفونك وتشخبط شخابيط
اكيد بيطلع معك مثل ذا الكلام الغاوي
المهم اخواني كاني طولت عليكم
والسموحه
بتركم مع القصيدة وابي رايكم فيها
فاحببت ان انثرها بين اياديكم اتمنى ان ان تنال إعجابكم ان شاءالله
لو قـلت احـبك ما تكفّي بحقك
امـوت في حبّك وتستاهل الزود
يا ليتني بـحـذاك دايم وقـربك
واهـديك كل العمر مع باقة ورود
لنّك سـلبت القلب بطـيبك وودك
يا طـيب الريحه ويا حـلو لخدود
كـل العـذارى ما يساوون قـدّك
شكلك فريد وبين الاجـناس معدود
لي شفت عينك والمباسـم وخـدّك
تشبه بنات الحـور واكثر بعد زود
ما نمت عيني يوم سـاعة نظـرتك
باقي بلا عـقلٍ ولا القلـب مـوجود
كل من نظرني قال وش صاب قـلبك
قـلت صـوّبني ظـبي ناعم العـود
قالوا حـرام الحب صـابك وهـدّك
قلت العمر كلّه فـدا عيونه السـود
احبك واحبك والف مغـرم بـحبّك
يا وردة النرجس ويا ريـحة العود
خـذي خـفوقي ملك كانه يسـدّك
سـكني بجوفي دونما شرط وقيود
بس اسكبي في مهجتي طيب شهدك
من ذقـت شهدك كـنّي اليوم مولود
وسلامتكم
ويعطيكم الف عافيه لمروركم الكريم اتمنى نالت على استحسانكم
تحياتي لكم
رافقتكم السلامه
الإثنين يناير 14, 2008 6:19 am
